Бидејќи коковчињата што ги чуваме имаат среќен живот, ги одгледуваме со љубов како што посветуваме на нашите куќни миленици, здраво се хранат, шетаат, трчаат, ловат, тие водат здрав живот, живеат долго и навистина ретко се разболуваат.


Поради тоа воопшто не користиме антибиотици, а кога сме имале случаеви да забележиме некое коковче со проблеми во движењето пракса ни било да го земеме и да го ставиме на сигурно кај нашиот дом во мирна средина да закрепне, без притоа да даваме некаков антибиотик.


Покрај тоа, благодарение на нашата опрема со која самите генерираме храна за коковчињата и миксови, не користиме било какви концентрати особено имајќи го во предвид фактот што многу концентрати содржат и превентивни антибиотици (иако на амбалажата на производот содржи информација за антибиотикот, за жал многу наши фармери тоа не знаат соодветно да го интерпретираат и да дознаат за опасностите што можат да следат од примената на такви антибиотици во мали количества за нашиот организам).


Од ова произлегува и нашето мото дека СЕКОЕ ЈАЈЦЕ НЕ Е ИСТО И ПОДЕДНАКВО ЗДРАВО!